إزاي تبيع على الـ Market Place

أكتر من 800 مليون شخص على مستوى العالم بيستخدموا الـ Marketplace كل شهر لشراء وبيع سلع
فى البوست ده هنشرحلك كل المعلومات اللى محتاج تعرفها عن التسويق والبيع ع الماركت بليس
ايه هو الماركت بليس
الفيسبوك وفر أداة مجانية سهلة لعرض المنتجات أونلاين ع حسب التصنيف الجغرافي عشان يسهل توصيل المسوقين بعملائهم المستهدفين بدون أى اعلانات ممولة أو مجهود كبير لاستهدافهم.

ازاى تبيع على “ماركت بليس”:
1- سجل الدخول لحساب الفيسبوك بتاعك
2- ادخل ع فيسبوك Marketplace
3- دوس ع “بيع شيء ما”
4- ارفع صور جودتها عالية للمنتج بتاعك
5- دخل اسم المنتج ووصف ليه وسعره
6- انشر المنتج

 نصايح مهمة هتزود ظهورك على ماركت بليس؟
– اختار كلمات مختصرة وجذابة فى اسم المنتج بتاعك
– اكتب وصف طويل وكل تفاصيل المنتج بشكل منظم
– خلى حد محترف يصورلك منتجاتك واعرضها ع خلفية بسيطة
– متاخدش أى صور بعلامة تجارية لحد تانى
– سرع الشحن واهتم بالرد السريع لأن أى عميل هيعمل ريبورت عنك للفيسبوك هيقلل ظهور منتجاتك
– اربط منتجاتك ببعضها عن طريق وضع إشارة
حط إشارة لمنتج تانى ده هيخلى العميل يشوف باقي اعلاناتك ولما يدوس عليه هينقله لاعلان تانى ليك
– متكتفيش باعلان واحد ع الماركت بليس اعمل كذا اعلان محدش هيعد وراك

معلومات سريعة :
– ماركت بليس بيرتب الاعلانات حسب الأحدث واللى عليه تفاعل كتير، خليك متواجد طول الوقت
– ماركت بليس بيديك فرصة تجدد المنشور 5 مرات، بشرط ان يعدى 7 أيام بين كل مرة والتانية
ماركت بليس أداة مهمة للتسويق لأنه الفيسبوك عارف كل تفضيلات البيع والشراء والهوايات للعملاء بتوعه وهيوصلك ليهم وده اللى بيديله احتمالية كبيرة للنجاح أكتر من أى منصة تانية
واحنا فى الشاعر بنوفرلك كل المنتجات اللى بيعتها سهلة ع الماركت بليس وهتلاقى صور كتير بجودة عالية وكمان محتوى بتفاصيل التفاصيل عشان تبيع وتكسب من غير ممول
احكلنا عن تجربتك فى البيع على ماركت بليس!!